2017三大專家把脈 施永青：樓價一定落
2016年樓市在全城一片睇淡下，竟急速反彈，更逼使政府匆出辣招打壓。本報邀請中原集團主席兼總裁施永青、冠域商業及經濟研究中心主任關焯照及祥益地產總裁汪敦敬為今年樓市把脈，施永青及關焯照不若而同認為在「息魔」降臨下，樓市難看好，最慘將跌逾一成。汪敦敬則繼續看好後市，認為樓價年中前勢破頂向上。
中原集團主席兼總裁施永青，強調「向下大趨勢已無法扭轉，即使今日，不利因素仍是多於有利因素，只不過貨幣因素令香港樓價上升。」尤其人民幣貶值，「揸住人民幣資產的人恐慌，所以好多錢落來。恐懼時，作的決定未必正確，非本地買家俾稅增加至30%，照理由，任何投資者都無咁傻，即係頭十年無租收，如果樓價無升，印花稅都蝕埋，唔係蝕少少是蝕30%。」
資金找避風塘，必有部份落入本港地產市場。不過隨住政府加辣，入市成本量加，「本來買樓收租可能是小市民養老的一條出路，但而家變成奢侈行為。」政府目前是「畀有仔女而未買樓的投資者去投資」，他強調：「呢個時刻，咁嘅價錢，真是有條件買樓嘅人唔多。如果資金無不斷流入香港，樓價未必企到咁高。」
再者，香港經濟前景堪虞，旅遊業、零售、物流以至金融業欠佳，雖未即拖累樓市，但經濟轉差，人工加得少，市民買樓速度減慢。本港樓價跌幾多幾快，視乎美國加息，就算首兩次加息，香港不跟隨，最終香港都要跟。
「我自己睇，樓價一定落。客觀睇，不利因素主導，只不過資金無出路，我2年前已經唔睇好，所以走咁啲貨。2017年樓價微微向下，緩慢下跌，上半年跌5%。直到美國加息影響明顯為止，例如加息超過半厘後，市民有感覺，樓價會跌得快啲。」但他補充：「美國是世界上最大的債仔，點會想加咁多息！」
沒有留言:
發佈留言