財經專題：澳門文創公司發圍微辣獲注資七位數攻港
在KOL成為小學生「我的志願」的年代，懂得吸Like吸View，收入好過有張沙紙。拍片拍到過千萬生意、團隊過百人的微辣，創辦人六毫子（陸志豪）今天宣佈，獲香港投資者注資7位數，目標把微辣出品帶到香港，更要將澳門式笑話放大十倍。
微辣影片在各平台點擊率高達30億，粉絲以年輕人為主，遍佈中港台及東南亞。創辦人六毫子這次專程由澳門來港，帶記者到其上環蝸居公佈這消息。雖然注資額不算很高，但作為文創公司，他大讚首輪投資者非常專業，不只出錢，更出力提供一些無形的資源和渠道，例如認識了一些香港創作界及娛樂圈的前輩，有機會令微辣成長得更快，「好多粉絲都有講，睇完我哋啲片，『咁然後呢？』到底我哋要點先可以將更多快樂帶畀佢哋？」
多辦活動接觸粉絲
香港娛樂圈的明星要紅，無非唱歌拍戲，再出席商場Show、搞粉絲見面會、做品牌代言等都是指定動作。微辣旗下有16位藝人，殺入香港的話，都會經歷如此洗禮？六毫子談起品牌產業化策略時，手法其實如出一轍。
「未來希望多啲喺香港辦活動，唔只隔着螢幕見我哋，仲可以真人搣下我哋，指住我哋笑吓！」他計劃微辣日後在香港會多舉辦粉絲可參與的活動，增加微辣接觸觀眾的渠道，希望把影片的歡樂由手機框框帶到現實，令成件事更加貼地。
香港娛樂圈的明星要紅，無非唱歌拍戲，再出席商場Show、搞粉絲見面會、做品牌代言等都是指定動作。微辣旗下有16位藝人，殺入香港的話，都會經歷如此洗禮？六毫子談起品牌產業化策略時，手法其實如出一轍。
「未來希望多啲喺香港辦活動，唔只隔着螢幕見我哋，仲可以真人搣下我哋，指住我哋笑吓！」他計劃微辣日後在香港會多舉辦粉絲可參與的活動，增加微辣接觸觀眾的渠道，希望把影片的歡樂由手機框框帶到現實，令成件事更加貼地。
可是，把微辣商業化、娛圈化，會不會小辣變大辣，變質變味惹怒粉絲？平時出鏡屬冷面笑匠的六毫子，這回認真地回應，「我唔會跟同事講公司未來要搵錢，所以要點點點做，我會同佢哋溝通，例如一個編劇，如果佢唔buy你套價值觀，佢唔會做到好嘢畀你，要尊重創作人，最後傾完可能一人讓一步，內容會有佢想表達的，而我又ok先會做」。
他說做微辣的初心，就是為平淡生活帶來更多調味，香港人搞show搞event較澳門有經驗，因而會將這部份的重心放到香港。他坦言自己不是一個貪圖富貴的人，一個月使幾千蚊都無問題，如果單純考慮自己，其實根本不用辛苦拓展香港市場，「公司規模已過百人，諗方向唔可以只諗自己，要諗每個員工的生活、家庭，所以要不停超越自己。」
「作為老闆，今日我得到我想要嘅嘢，但同事呢？佢哋不停付出青春，又得到啲乜呢？」六毫子直言在澳門要搵錢不難，到賭場工作便可，選擇加入微辣的人，其實都有個人抱負，所以微辣更大目標是創造實踐的空間，「作為一間新創公司，大家都係年輕人，現實一點都希望諗多啲福利畀大家，例如公司利潤可唔可分享，我哋現時都有計劃當中」。
