一手空置稅作用有限

政府打算推行一手空置稅，估計立法會很大機會通過，但根據過往經驗，政府的措施很快就會給發展商找到對策，而且一手空置率數目不多，作用實在有限。

國泰收購快運

國泰正式公佈收購香港快運，對於比競爭對手較遲投入廉航，國泰收購香港快運是正確決定，但問題是如何改善香港快運的營利能力。

英政客無得再拖

在野黨及脫歐派現時無得再拖，一是接受硬脫歐，一是接受歐盟與文翠珊的協議，現時歐盟只係畀兩條路佢地選擇。

樓價再展升浪

近期樓市重現升浪，個樓市升浪自美國停/減慢加息步伐開始，而股市也重現升浪。

明顯之前樓市回落，與股市下跌關連性很大 而當時政府也連番有新樓市及土地政策出台，但土地及樓市政策已明顯失效，或許更現實是政府從來沒有真正打壓樓市的計劃，而只希望平穩緩慢上升。

香港首奪生活成本最貴城市

英國經濟學人智庫(EIU)公布「2019年全球生活成本」調查報告，香港與巴黎及新加坡並列首位，是逾30年來首次有三個城市位列第一，而三個地區中只有香港沒有銷售稅，生活係香港真係好苦。

港鐵新信號系統遲早出事

港鐵昨晚測試信號系統，最後搞到兩架列車撞左，好彩今次係測試，否則傷亡嚴重。

上次四綫死晒，沙中綫有出問題，若不全面檢討改革，港鐵出現致命事故係遲早既事。

英國脫歐真係無眼睇

英國脫歐傾極都傾唔掂，英國脫歐派當日勾畫的美麗畫面根本無出現，而家國會都怕無協議脫歐，但又唔想妥協通過方案，我睇唔到歐盟會有很大讓步空間，因為太大讓步，成個聯盟隨時瓦解，咁搞法不如真係認真諗諗二次公投啦!

舵手的重要性

曼聯領隊蘇斯克查接任領隊後，曼聯成績大反彈，但其實班底無變，而且有少量球員離隊，戰績不跌反升。曼聯自傳奇領隊費格遜退休，要經多年才出現轉機。

蘋果無左喬布斯，慢慢從神壇步下，一個神級人物離開，要再創高峰很難，甚至保住現有位置也不易。

一個神級人物離開一間公司，我會慎重考慮它的投資價值。

中美貿易談判難樂觀

自美朝𡶶會達唔成協議，我已經話中美好有可能傾唔成，現時特朗普都指唔一定簽協議，而中國都表示唔會簽不平等條約，估計達成協議機會唔高，除非中國作極大讓步。

環球經濟會唔會出事，好視乎談判失敗之後的舉動，若兩個繼續傾，無再擴大貿易戰，情況都唔算好差，但如果大家即時將戰線擴大，環球經濟會幾危。

國泰洽購香港快運

國泰表示正磋商洽購香港快運，國泰近年被廉航打殘，當主要競爭對手都相繼開展廉航服務，國泰似乎起步太遲，直接收購香港快運是一個不錯選擇。

國泰與香港快運可產生協同效應，而且直接減少競爭對手，而且是最直接最快進入廉航市場的機會。再者，購入香港快運可大大增強集團航線覆蓋面，並加強非主流航線拓展。

康泰全面由海航接手

康泰創辦人黃士心父子出售餘下49%予海航背景的勝投國際，海航全面接管康泰，近年旅行社生意唔易做，而個人旅行經驗，康泰在自由行角度不是一個好選擇，配合海航的背景，估計康泰的業務會有突破，而作為旅行愛好者，相信會有更多優惠。

講返海航，暫時好像穩定下來，而收購康泰縱然所涉資金不多，但也可見海航最壞情況已過。

Tesla 降價都要抗議?

今日見到段新聞話Tesla 國內降價，引來車主抗議，純粹商業行為降價都對車主帶來傷害，中國做生意真係唔易。

有時不得不配服中國政府，市民對政治事件邊敢抗議!

特金會居然傾唔掂

今次習金會傾唔掂，無協議真係跌晒眼鏡，兩位領導人反覆無常的性格都係傾唔掂既原因，大家都唔想放棄手上籌碼，驚死對方反口。

北韓發言人表示未必有第三次會談，但環球股市無異動，即係大家都估計佢地有得傾。

今次無達成協議，我估計金正恩都唔會有大動作，相信唔會有軍演或試射導彈。如果玩野，北韓同中國都大鑊，又或者今次特朗普係想話畀中國知佢唔係求其收貨。