近期狂推大灣區樓

香港樓市回升，港人紛紛入市怕唔買就無機會，買唔到樓就向海外樓入手，近排中山珠海盤大量湧現，但有熟悉內地朋友表示，小心有價無市，仲有無人租風險很高。

普京插手朝鮮及亞太

近期普京插手朝鮮事務，同金正恩見面，其實浸浸本來可以同金仔達成協議，咁成個局就唔同晒，而家普京都插埋手，件事好難搞。

講返普京，明顯對想增加對亞太區影響力，但假想敵唔同左，由美國改成中國，因為俄羅斯唔甘心做老三，同樣美國難以容忍自己做老二，將來兩國聯手都唔奇。

講返中國，近期成功衝破美國的圍堵，美俄能否壓制中國也難料，預料未來幾年有正面軍事衝突。

斯里蘭卡恐襲

斯里蘭卡自2009年內戰結束，局勢大致平穩，近日連環恐襲並不尋常，國內或再捲入內戰，問題是今次多個恐襲點為教堂，而且在復活節期間發生，而今次政府鎖定的組織NTJ 去年曾作出針對佛教的襲擊，若政府無法打手擊NTJ這個聖戰組織，整個南亞地區或無安寧。

香港樓市再失控

似乎早前林鄭政府招數，若無加息因素並行，其實係廢招。

中美貿易戰和解 其他市場震盪

中美貿易戰若談判成功，意味中國會重新輸入美國商品，而美國商人因稅項減少的訂單亦有機會重回中國，意味其他市場（特別是東南亞及南美）將有短暫動盪，當然兩國若因貿易正常化持續帶動經濟增長，對環球經濟是有好處，但短期動盪可能會出現。

特朗普又玩火

特朗普都未同與中國達成貿易協議，就向盟友開火，今次單野劍指空中巴士，我覺得同波音架機出左問題有關。

此外，浸浸將伊朗革命衛隊列作恐怖組織，可能會係下一波軍事行動目標及前奏。

文翠珊考慮二次公投

本來一直表示不考慮二次公投的文翠珊，現在似乎想轉軚，因為根本傾唔掂，搞搞下聯合王國四分五裂，而且脫歐派當日勾畫的美麗圖畫，根本無出現過。

內地著名P2P網上貸款平台爆煲

內地著名P2P網上貸款平台「團貸網」早前爆煲，呢單野處理得唔好，隨時火燒連環船，相信會強硬應對維權份子，但如果燒埋其他同業或銀行體系，件事會好麻煩。

新樓最少20% 公開發售?

政府規管新樓銷售，發展商以招標應對，商會自我規管最少20%公開發售，政府表示情況不理想會規管。

20% 公開發售，事實係普通市民都難以接受，政府接受此方案，其實間接幫發展商廢除一手銷售條例武功。

海外置業與居屋

海外物業投資成為不少未能置業港人另類選擇，今日見到有廣告話抽唔中居屋，可買間海外樓，真係大開眼界。

英國硬脫歐風險極高

文翠珊似乎打算再提交脫歐方案，但明顯難以通過，而議會多數都似乎不想硬脫歐，但又唔想妥協，所以成件事會好亂，特別係歐盟唔想英國延長脫歐而搞亂歐洲議會選舉。