澳門樓香港賣廣告 反映內地缺水

今日突然見澳門樓電視廣告，直覺係內地好缺水，同香港情況一樣，樓市少左國內同胞接貨，個市開始散散地，真係好耐無見過澳門樓香港賣廣告。

港鐵四綫故障 推星期六、日優惠?

港鐵四綫故障，港鐵推出星期六、日優惠，基本上受影響市民唔一定受惠，作為港鐵股東，佢PR做得好差，畀市民印象好差，只能歎息港人無選擇，同埋港鐵高層諗縮數能力好強。

車務收入佔港鐵盈利遠不及地產及租務收益，其實可以鬆手D, 特別係近期大型故障較頻繁。

港鐵條縮數係平日市民要返工，係咪都要搭港鐵，當然唔畀優惠，星期六、日少D客，平比市民仲可以吸引多D人外出，或改搭港鐵、又或者搭遠幾個站，低成本賠償，只歎無選擇。

留意巴西新總統

博爾索納羅上台在望，他曾在造勢集會上聲言，自己執政後要清算左翼罪犯。

作為主要新興市場，若他真的成功當選，或影響已經不穩定的環球經濟，成為市場上的黑天鵝。

銀行股息高 慎防未反映壞帳問題

朗城匯及LP6近來賣得麻麻，而且兩個盤地理位置算唔錯，咁都去唔到貨，樓市隨時爆煲。

中美貿易戰，中國經濟元氣大傷，死人都唔信國內官方個D樂觀到令人難以信服既言論。

中美貿易戰，香港經濟一定受很大影響，而且不少香港銀行已被中資收購，在國內有不少業務，且也增加對中資在港企業貸款，所以企業貸款壞帳必定大增。

仲有一點，台海好大機會係中美戰場爆發點，而香港作為中國一個重要國際金融城市，若不是局部開戰，香港好大機會成為目標，唔好再信香港係福地。

順豐55億人民幣買DHL業務

順豐以55億人民幣，買入DHL中國內地、香港及澳門業務，DHL撒出中國地區業務好合地，一來順豐已經做大做強，DHL在大中華地區無優勢，二來DHL在大中華地區業務唔算理想，而且競爭太多，三來中美貿易戰不利美國企業。

可見將來，美國企業撒出大中華市場將會增加，內地市場對外資企業好難玩，從多間外資巨企在內地困境可見，中國市場大，但不如想像中好賺。

還記得讀大學時曾有教授說只要從每人身上賺一蚊，都賺十幾億，但我而家係每人要你蝕一蚊，蝕到破產無難度。

留意北約挪威軍演

北約集結5萬兵力，在挪威進行自冷戰結束後最大規模軍演，新冷戰格局已成，以美國為首陣營以中俄為假想敵的形勢已成，國家歸邊情況明顯。

美國11月中期選舉將理，若民主黨勝出，新冷戰格局或稍微緩解，但特朗普在任總統期間，民主黨勝出也只能削弱特朗普氣焰，若共和黨勝，則冷戰形勢必加劇，各國歸邊，則難有和解。

股市彈唔起

香港股市近期每次反彈都係逃生位，海外股市都唔倒外，彈極都彈唔起。個人估計，全球股市大調整將至，美中磨擦或許令全球步入衰退。不過，我唔信美國會放過中國，否則美國難保霸主地位。

今日大跌市

昨日中央托市成績一日蒸發晒，而且升埋唔夠今日跌，環球大跌市，習近平主席南巡暫時未有好消息，而中央救火隊似乎無計可施，環球股災似乎正形成。

恒大傳聞擬抵押本港商廈融資約15億美元

中國恒大(03333)傳出擬抵押本港商廈物業，融資約15億美元(約117億港元)，資金用作償還海外負債及派息。

中國政府打壓樓市，恒大借錢派息反映內房缺水問題嚴重，或有中小型房企出現財困或倒閉。

中央房策，一向收緊即面對房企及樓市大跌壓力，於是又要鬆綁，大家睇下短期內房策有無轉向。

中國打貪 叫外逃貪官自守?

近期中國打貪無手軟，而且不乏官高官，習近平主席究竟係真心打貪，還是清除黨內敵對派系，大家不得而知，但中國似乎唔打擊貪腐，亡黨亡國是遲早問題，所以都支持習主席的行動，以現時情況，以圖發動政變成功機會不大。

講番反貪，早前繼要求明星自守罸款免罪，又叫外逃高官回國先守。明星就話要顧及將來賺錢機會，外逃高官回國好難。我估中國政府會嘗試引渡外逃官員，而香港絕對有機會與國內達成引渡協議，先行清算身在香港或外逃官員在港資產。

匯控打算CDR在國內上市

現在中國國進民退，這個時候我認為匯控要考慮清楚，我擔心行先死先。。。。

朗城匯具指標作用

朗城匯出左價單，具指標作用，原因如下:

1. 居屋申請截期
2. 將軍澳LP6最新一輪反應麻麻
3. 政府賣地流標
4. 貿易戰無轉機
5. 內地房地產市場下滑

「明日大嶼」填海計劃令人憂慮

筆者講過好多次，房屋土地問題根源在人口政策，每日150個單程症配額，仲有其他吸引內地富人/專才/學生既各種計劃，多多地都唔夠用，仲有其他現有土地各種理由唔敢郁。

推一個5000億(估計超支最少一倍以上)既填海工程，擺明要將香港儲備送畀祖國，我都唔計環保問題，仲有人工島面對自然災害及沙土流失問題。

如果D地值錢，賣出去都仲話回返D本，但最驚D地根本唔值錢，仲要整多個悲情城市出黎。

特朗普批評聯儲局實施加息政策

特朗普唔希望聯儲局加息係人都知，但偏偏聯儲局主席鮑威爾表示會實施加息政策，特朗普批評聯儲局的既言論好激，美國財長姆欽強調特朗普尊重聯儲局決策獨立性。

特朗普狂插鮑威爾，但我睇唔到佢會換人，似終美國總統都唔係大晒，而且睇唔到換人會有好大分別，仲會引起市場巨大波動，加上中期選舉就到，鮑威爾個位都仲好穩。

人行降準1個百分點釋放7,500億

中央不斷出手救經濟，但愈心急，力度愈大，反而表示問題愈大，隱憂愈大。

中國今次應對美國貿易戰異常強硬，曾希望美國眾叛親離，但多國已與美國重訂貿易協議，相信中國面對的壓力將愈來愈大。

聯想急挫 中資科技股唔好掂

有報導指中國政府於電腦底版做手腳，竊取機密資料，無論真定假，相信針對中資科技公司的新聞或政策會頻繁出現，中資科技股少掂為妙。

中國公共財政危機

范冰冰案固然涉及違法逃稅行為，但同時反映國家財政問題，急須補充財政缺口。

若從單一事件看，或許只是法律問題，但今次范冰冰罸錢換取免刑責，而且明示其他演藝界人事年底前補交稅款，實為最簡單方法取回大筆稅款。

我估計中國政府下一步是追收外藉人士及加緊執行國民全球徵稅，甚或開始追查國內富裕人階層之海外資產。

加緊徵稅，或多或少中央意識到地方以至中央財政問題，特別是一帶一路及軍費開支巨大，且正值貿易戰沒有緩和跡象。

新北美自由貿易協定（NAFTA）協議

美國與加拿大及墨西哥達成新北美自由貿易協定（NAFTA）協議，對中國無疑不利，因為美國將能更集中精力抗衡中國，而中美磨擦似乎愈來愈大。

中美對恃，從貿易逆差看，中美逆差反而上升，但從股市看則美國佔優，大家長遠看好美國勝出貿易戰。

貿易逆差上升，或許因貿易戰爆發，廠商提早出貨或清存貨，但外資將工廠撤離，則長遠打擊中國經濟，而且可能在不久便浮現問題，特別是低技術勞工失業所引伸一連串經濟，社會及政治不穩，將危害中國經濟成長。