李嘉誠唔睇好今年經濟

從超人回答記者的內容，我覺得算好淡，而超人眼光真係無須懷疑。

中美貿易談判有進展

加時談判完結，等官方公佈細節，由於只屬副部級官員談判，相信無實質內容，細節仍要更高級別官員進一步磋商，但暫時樂觀正面。

傳國開行批貸款予港航

傳聞國家開發銀行批出貸款予香港航空，解決資金鏈斷裂問題，若成事將有助港航起死回生，而傳聞亦指這是拯救海航的其中一個措施。

國家隊救港航本來係我其中一個諗法，但原先估計以收購換取資金，今次若以貸款救港航成事，都要睇下貸款成本先可以斷定港航是否脫離危險期，還是吊住條命慢性自殺。

“香港上市公司”樓盤有價?

近日見到量大灣區樓盤廣告，廣告共通係強調由香港上市公司發展，內房在港上市集資，除了資金和知名度，用“香港上市公司”之名賣樓，似乎係信心信證，起碼較易去貨。

港航要白武士打救

港航倒閉傳聞愈來愈勁，公司如無法解決本月19日的到期債務，一個有實力的白武士是唯一解決方案，只係反覆表示倒閉傳聞都無用。

其中一個解決方案，海航願意提早贖回金融產品或港航折讓價賣出相關產品，但海航都屢屢被傳出現財政問題，而港航又急需大額套現，估計要大折讓出售才能找到買家。

找銀行融資或發行債券都可行 但時間急，而且風險高，難達成目標，且利息開支很高。

找白武士注資，時間都係短，但這是最理想方法，中資航空公司會係首選，國泰其實都可以係潛在買家，大可利用港航奪回市佔率。

凱滙佣金僅1.7% 代理倒蝕

據指1.7%佣金是近10年新低，連同部份代理回佣2% 計算，代理由過肥年變慘蝕，但做生意無必賺，雙方都受到教訓。

四大代理(其實都係兩大集團)今次唔傾清楚就做生意，受教訓都無話可說，你同人講慣例無意思。

信和今次低佣事件，將來代理一定同佢計得清清楚楚，甚至係今次蝕，下次同你反枱，一係唔幫你賣，一係叫高個價。

代理其實話就話四大代理，其實都係分別由中原同美聯系公司，市場無競爭。除非信置想棄用代理模式，否則賺頭蝕尾。

內地PMI 跌穿50盛衰線 港股大跌

財新今日公佈的2018年12月中國製造業PMI，跌穿50盛衰分界線，報49.7，而亞洲多國PMI也跌穿50，中國經濟崩潰或亞洲再出現金融風暴機會大增。

特朗普近日表示與習近平主席通話有進展，再看今日PMI數字，估計中國高層掌握的多方面數據令習主席擔心若未能終止貿易戰，中國經濟問題甚至影響國內政治穩定，即使達成協議，對中國也是負面。