40萬首期 20倍摃桿上車

只能夠祝佢好運，如此高摃桿，而且樓市在高水平，個市逆轉好易頂唔住，居屋市場可能係大跌市時最無防守力，之前居屋市場升得好快，因為較易上車，加上白居二搶高左個價，但唔知有幾多人用高成數按揭，如果比例多，跌時真係守唔住(加埋加息同經濟逆轉)。

40萬首期買綠表居屋王上車

狗年伊始，樓價又繼續破頂，剛剛還誕生一個未補價的居屋王，銀碼高見800萬元，但不要以為做居屋王業主要準備數百萬元的首期，其實只需要40萬元便可做業主。

因為房委或房協有擔保，讓「白表」申請者可最高承造九成的按揭，「綠表」人士則可承造九成半按揭，而且不用支付按揭保費，亦不用做壓力測試。即是說，該名居屋王買家可承造九成半按揭，即40萬元，便輕鬆做業主。若以同樣的價錢購買私樓，首期便要急增7倍至320萬元。所以居屋市場樓價持續急升並非無因。

之不過，以上述方法購買居屋，卻是一個超大槓桿上車的方法，以還款期25年，按揭利率2.15厘計算，買家每月供款高達32,771，非一般打工仔可以負擔。反之，同樣的還款期及按揭利率計算，私樓買家每月供款就大跌近六成至20,697元，供樓相對地輕鬆，加上有壓力測試「把關」，買家斷供的機會更細。