中美貿易戰拖累中港股市

其實環球股市郁受影響，只是中港股市跌得較傷，加上美國加息抽走新興市場資金，香港曾跌9百幾點，中國跌得更傷，如果按市場反應，美國先贏一仗，長遠我估中國會先投降。

從浸浸同金仔講個核按鈕大過北韓，浸浸出招唔同一般政客，佢出得招就唔預投降，除非共和黨中期選舉大敗，但壓制中國似乎得浸浸做到咁癲，佢未必會輸。

比併耐力方面，華為中興這些大企業經多年發展，隨時給美國制裁輕易搞到破產，中國政府保又死唔保又死，仲有地方債問題，如果爆起上黎都咪話唔大件事。

美國方面，時常有人話沒有了中國的廉價高質產品，美國基層民衆受不了，實情係中國出品已不再便宜，很多低成本產品已經移到其他國家生產，廉價產品其實很易被取代。

美國今次唔會輕易放手，因為放生多中國幾年，美國到時可壓制中國的籌碼只會愈來愈少，中國可能只等待一個無咁難睇既下台機會，始終習主席大玩民族復興，要讓步都不能太難看。