業績見光死

部分半新股，未公佈業績前無限憧憬，一公佈業績就見光死，業績同上市文件比較全面走樣就死硬，即使業績ok, 但市場預測太好，由天堂跌入凡間都死得。

近幾個月，我有留意一隻半新股，低位升左4倍幾，一公佈業績就連跌幾日，轉眼就無左一半有多，我當時想入，但升得太急，而家跌得仲低過我當時想買入既價錢，所以半新股真係要小心，要識走。

習特會前買大豆

中國在兩國元首會面前，宣佈買入中國大豆，相信縱然不會即時有結果，但最少應該是繼續展開談判。

行經銅鑼灣Sogo

每隔一兩個星期六都會行經Sogo, 昨天行入去時，比平日星期六異常少人，有好多空間可以行，如果大家行經發覺成為常態，記得重新考慮手持的零售及旅遊相關股票。

中美好有機會G20後傾掂數

國家主席習近平和美國總統特朗普會於G20會議期間見面，傾中美貿易戰，我相信好大機會傾掂數。

1. 臨近選舉，玩得太盡除時玩出火

2. 美國已將目標改為伊朗，據我觀察，特朗普好少同時開兩條大戰線，而係一條大戰線，幾條小戰線，所以同中國會係達成大原則，但間中有小磨擦。

3. 中國都想達成協議，但差個下台階，因為經濟有下行跡象。

圍警總 政府改策略

今次圍警總，雙方都無衝突，警方強調有文職人員及特別家庭/身體需要職員被困，今次明顯玩公關戰，待民意轉向。

不合作運動升級

民間不合作運動今天開始全面升級，暫時睇唔到解決方向，全面升級的影響，要睇規模及持久性，過一兩日再講。

中銀香港黎緊盤數唔知點

中銀拆借息率較同業高，反送中一役有不少市場響應取消中資銀行戶口或提走現金，中銀香港為吸引存款，資金成本難免上升，而有幾多客戶以不同形式擺用中資金融服務，中銀香港的業績有啟示作用。

林鄭記招

完全平息唔到現有局面，今朝大公報delete 社評以為林鄭有機會唔止撤回草案，隨時中央唔保佢，辭職收場。

以今次情況，特區政府進退失據，可能要睇下緊接7月1日遊行數字，又或許應認為200萬人上街後無可能持續，用時間解決問題。

等同撤回送中條例?

政界及政府高層吹到暫緩等同撤回，但譚耀宗見完中聯辦唔係咁講，而且撤回同暫緩在未來重新二讀時有分別，若是一樣，為何政府不正式撤回議案，好讓香港回復平靜?

不幸言中

對於我估計政府不理會遊行人數，照推送中條例，希助我下一個預期唔會言中，就係加快推23條立法，立唔到就釋法，未位23條前，國家安全法直接適用香港。


講返今次送中條例，香港政策法隨時受影響，而歐盟及英國都有唔尋常既回應，香港未來作為國際城市有好大危機。

致於香港內部，建制派完全無轉軚跡象（中聯辦未接見前好多都有保留，加上咁多人上街都口徑一致），香港政府照推，中央擺明要硬去，雨傘運動佔領咁多日都無動搖，反映中央強硬作風。

三罷有幾大聲勢? 我見有做小生意既朋友參與，但一日半日，政府唔會驚，除非長期大規模啦，都係個句，佔中咁多日都係妥協過啦。

反送中遊行

很感動香港人仍未絕望，但以中央近年態度，好大機會照推，之後會話外國勢力介入，之後加快。。。。。

希望我講既唔會成真，香港人加油。

中國召見外資科技公司大錯特錯

新聞見中國召見在華外資科技公司，若配合美國政府封殺行動，將受到報復，而當中包括撤走生產線。

首先，中國要求美國公司不配合美國禁令，即迫使美國公司違反本地法律，成功可能性極低，而其他科技公司也受制美國技術，若配合中國政府，最後損失更大，而且更有可能令自身技產品失去核心技術支援。

對外資撤離給予壓力，最後令外資減低進入中國市場誘引，而較細規模的外資或加速撤離。此外，大型公司或許在生產線老舊或外在政治壓力下撤離，以免受報復。

準許投資，不準抽走資金，整體得不償失，反映中國極擔心走資或外商撤走。