港鐵搬龍門 香港無希望

本來聖誕節唔打算出文，但見港鐵就沙中綫紅磡站報告搬龍門，大幅增加合格比率，令我覺得香港愈來愈無希望，亦都好失望，而沙中綫抽查標準搬龍門，只係近年香港一系列問題的冰山一角。

先作利益申報，我持有港鐵股票，當然唔會想工程出現問題，但事實係連安全標準都龍門亂搬，香港堅係無希望。