杜拜王子雞棚事件

香港迎來杜拜「阿里王子」（Sheikh Ali Rashed Ali Saeed Al Maktoum）開辦家族辦公室因「王子」因急事回國，推遲至5月開幕，被指其實係雞棚騙局。個人不希望跟車太貼，而且事發時身在海外，未有跟貼事件，個人認為雞棚與否難以定論，但就事件希望大家要留意幾點：

（1）「王子」在中東點定議? 「阿里王子」話佢係杜拜管治家族一名家庭成員，但並不代表他處於權力核心，尤其中東權貴妻子及子女衆多，隔幾代已經差很遠，而且阿聯酋領事館都承認他是家族一員，事件很可能是「王子」一詞在不同文化背景產生誤會；

（2）「王子」當歌手也不是問題，汶萊王子都是足球員，有錢唔做野都可以，為興趣做歌手又如何；

（3）家庭辦公室網頁無實質項目，但如果第1、2點成立，「王子」係一個無從商經驗的富二代，家族打本畀5億美金先試牛刀，「王子」可能真係未有投資方向。如果將件事放落香港藝人富二代，紅唔到返家族幫手做例子，可能會易一點理解；

（4）問題關鍵係「王子」或其家族有無能力拎5億美金做家族辦公室，即使5億係貸款，憑實力借都係能力（只要唔係全心行騙）；

（5）最後，如果「王子」真係開到家族辦公室，雞棚騙局既可能性就大減，因為事件都已經廣泛報導，投資者不會輕易投資，due diligence 會做得好足，但事件可能涉及政治角力，最終「王子」即使有真實力，是否繼續計劃都未可知，甚至加大資本投資對手香港的競爭對手開新加坡開設家族辦公室呢！