香港航空優惠帶來反效果

海航近期頻頻傳出有資金壓力，香港航空這個plan 一來好難飛到咁密，二來反而令大家失去信心，隨時害左香港航空及姊妹公司香港快運的銷售。

【海航賣產】港航賣日韓機票套票 網民唔領情：執笠先兆

香港人最愛搶機票，不過對港航最近的優惠就不領情。港航推出飛日本或韓國機票全年套票，並於Facebook出po宣傳，網民紛紛質疑「咁似啲簽你幾萬約然後摺埋嘅健身中心嘅？」

該名為「一人盡情飛」的套票，有510個名額，標榜「一人全年盡情飛」日本東京、大阪、韓國首爾等九個航點，不限出發日期，經濟艙「日韓通Pass」售19,999起，須經旅行社購買，到期日為下年3月。

但由於持有港航約三成股權的海航，近月多番傳出受債務困擾，最近更出售兩塊啟德地皮，網民對優惠感到懷疑，紛紛留言：「Cap水、執笠先兆」，「海航真係好唔掂？」、「做航空公司，做到要出月票嚟R cash flow。海航睇嚟真係唔得掂，各位好自為之。」外電早前估計，海航第二季籌集800億元償還債務，預計海航需要繼續賣地還債。

記者向康泰查詢時，職員未能即時答覆，要等其了解才獲詳情。職員指，康泰僅提供4,450元雙程來回套票，與及16,480元四程來回套票，可預訂下年3月前機票，惟需於本年3月底前確定日期。兩款套票均需最少飛一次韓國，4,450元套票則不包括日本北海道航點。