要股樓冧 前題要個市夠瘋狂

個人認同如下文所言，個樓市真係好瘋狂，但股市就未去到升到你唔信的地步，但如果股市樓市一起冧，相信會係一個轉折點，到時資産價格會向下，可能大家會期望中央救市，但首先要大陸經濟唔出事，喱樣好難講。第二係中央會唔會插手，我相信短期內唔會，除非資產價格跌到香港民怨四起，特別係樓市，一來中央想防國內走資，二來樓價升到民怨四起，國內自己都打擊緊樓市泡沬，中央知道泡沬係大問題，而且中央大可在香港真係出現大問題先出手，一來減少爭議，二來帶出中央對香港重要性的信息。

財經評論：股樓冧市在後頭？

還記得這個「10年一劫，逢7必跌」的魔咒嗎？之前有87股災，97亞洲金融風暴，雖然2007年港股直通車，恒指高見31,958點，但其實是為大冧市埋下伏筆，港股由牛轉熊，翌年更發生08金融海嘯。你可能會問，今年非常好，股市樓市交投暢旺，有甚麼問題呢？

沒錯，股市連升8個月，樓市交投氣氛熾熱，地價亦屢創新高。以上情況，不是跟1997年及2007年很相似嗎？股市樓市都衝上高位，市場氣氛極度熾熱，完全忽略了危機意識，這才是真正危險的地方。

大家都有聽過「上帝要你滅亡，必先令你瘋狂」。先說股市，當逢大升市，「全民皆股」，連唔識炒股票都會小試牛刀，有些人更會「瞓身」，每一次大升市都很容易出現這些情況。儘管歷史告訴你，每一次連「盲毛」都入市，相信大升市「氣數已盡」，即是說，股市要「升到你唔信」，先容易吸引全世界目光，全世界「瞓身」入場，就是最危險的時候。雖然筆者認為現時仍有「水位」，但相信是轉勢、冧市的伏筆吧。

樓市方面，近年出現大量慈父慈母，幫仔女上車，畀首期是「基本」，甚至將自己的物業加按，極端情況更會幫仔女供樓，你可能會說，「大勢所趨」、「做人父母冇辦法」、「潮流係咁冇辦法」，沒錯，有能力full pay當然沒問題，但就是這種風氣，有沒有能力都爭相幫仔女上車，呎價超過兩萬元，百幾呎的劏房都「爭崩頭」，真的合理嗎，真的沒有問題嗎？歷史總是重覆及殘酷，希望大家引以為鑑。